Ayon kay General Manager Antonio Jesus Romasanta, ito’y bilang paghahanda na rin sa nalalapit na panahon ng tag-init. Sa ngayon kasi, bagamat may manaka-nakang pag-ulan, kapansin-pansin na rin ang pagbaba ng lebel ng tubig sa dam sa Irawan. Kung hindi aniya magbabago ang sitwasyon ng pag-ulan, posible na bumaba na naman ang suplay ng tubig na manggagaling sa Ilog-Irawan.

Gayunman, tiniyak ni GM Romasanta na pinaghandaan na ito ng Water District dahil mayroon namang mga deep well/pumping stations na naka-back up lalo na ngayong darating na summer. Subalit mas mabuti na rin aniya na gawing kaugalian ang pagtitipid ng tubig tag-ulan man o tag-init.